Lasarte-Oriako Mendi Lasterketa-Juanlu Oroimenezkoa, irailaren 29an Lasarte-Orian ospatzen den mendiko jarduera lehiakorra da. Lasarte-Oria Trail Mendi Elkartea Kirol Klubak antolatuta (LOTME K.K.), Lasarte-Oriako Udalaren laguntzarekein.
Bigarren edizio honetan, mendi lasterketan parte hartzen dutenek 14,5 km eta 780 metroko desnibel positiboa duen ibilbideaz gozatu ahal izango dute.
Bai lehenengo edizioan eta baita bigarren honetan ere, ibilbide azkar eta gogorraz gozatu ahal izango duzue aldi berean. Ibilbidearen lehen 8 kilometroetan egingo dira igoera gehienak, eta gero jaitsiera azkarra izango da, igoera laburragoren batekin.
Ekitaldi honen helburua da mendiko kirol-jarduera sustatzea, Lasarte-Oria inguratzen duen ingurune naturala ezagutaraztea (Benedika, Azkorteko ermita, Buruntza…) eta herriko bizitza soziala eta komertziala dinamizatzea.
DESNIBELA +
780 m
GEHIENEKO GARAIERA
441 m
DISTANTZIA
14,5 km
ZAILTASUNA
Erdia
IBILBIDEA
Lasarte-Oria
Buruntza
Lasarte-Oria
IZEN EMATEAK
Izen-emateak gure web orriaren eta Kronoak webgunearen bidez bakarrik onartuko dira.
Izena emateko epea 2024ko ekainaren 1etik irailaren 26ra izango da edo 300 dortsalak agortu arte.
20,00 €
Inskripzioaren ezeztapenak onartuko dira abuztuaren 30era arte, arrazoi medikoengatik edo lesioengatik bakarrik, eta medikuaren frogagiriarekin aurkeztu beharko dira.
Irailaren 1etik aurrera, EZ DA BALIOGABETZERIK ONARTUKO, arrazoia edozein dela ere. Titularra aldatzea ere ez da baimenduko.
Dortsalak honako ordutegi hauetan emango dira:
Irailaren 28an (larunbata): 17:00etatik 20:00etara Probaren egunean: 8:00etatik 9:30era
Lekua: Antonio Mercero aretoan izango da (Okendo plazaren ondoan)
Izena ematerakoan federatuak direla esanez gero, dortsala jasotzerakoan federazioaren txartela aurkeztu beharko dute. Aurkeztu ezean aldea ordaindu beharko du.
Ibilbidean anoa-gune bat egongo da, Azkorteko ermitan. Ano gunean ura, likido isotonikoa, fruta, goxokiak eta barratxoak eskainiko dira.
Kilómetro 4,5 – Joaneko ibilbiderako Kilómetro 10 – Itzulera
GARRANTZITSUA: EZ DUZU EDALONTZIRIK IZANGO HORNIDURETAN. Lasterketan zehar litro erdiko ur edo isotoniko edukiera duen ontzi bat eraman behar da nahitaez.
Lasterketa egiteko 3 ordu izango dira gehienez. Buruntzako tontorrean igarotze kontrol bat egongo da, non parte-hartzaileek ordu 1 eta 45 minutuko igarotze denbora izango duten (8 km). Denbora-tarte horretan sartzen ez diren parte-hartzaileak deskalifikatu egingo dira.
Deskalifikatutako parte-hartzaile batek lasterketan jarraitzea erabakitzen badu, bere kabuz eta arriskuz egingo. Antolakuntzak ez du erantzukizunik izango istripurik gertatuz gero.
Dutxak. Lasarteko Maialen Chourraut kiroldegian izango dituzue dutxak 14:00ak arte.
Kontsigna 9:30etatik 13:00etara egongo da Antonio Mercero lokalean (irteeraren ondoan).
Garrantzitsua. Poltsetan baliozko gauzak ez uztea gomendatzen da. Antolatzaileak ez du erantzukizunik izango objekturen bat galduz gero.
Gizonezkoen eta emakumezkoen lehen hiru sailkatuentzako sariak egongo dira.
1º TXAPELA + TXULETA + 100€
2º TROFEO + BASERRIKO OILASKOA + TXISTORRA + 50€
3º TROFEO + UNTXIA + 25€
Gainera, aurten sari berezi bat 100€ emango diegu lasterketaren errekorra gainditzen dutenei. 2023ko errekorrak inork ez baditu gainditzen, goian aipatutako sariak 2026 ediziorako gorde eta metatuko dira.
2023ko errekorrak:
Ibai Makazaga 1h 10min 06s
María Ordóñez 1h 18min 45s
Lasterkariei lasterketaren informazioa eta arauak deskargatzea eta irakurtzea gomendatzen diegu.
LAGUNTZAILEAK
Eskerrak eman nahi dizkiegu Lasarte-Oriako Udalari eta Lasarte-Oriako Merkatari eta Ostalaritzariei klubari emandako laguntzagatik.
Eskerrak gure bazkideei eta boluntarioei ere eman nahi dizkiegu, adin guztietako ehunka medizalek Buruntzaldeko ingurune naturala ezagutu eta gozatzeko aukera izan dezaten. Eskerrik asko!